Artikulu honen helburu nagusia da Gipuzkoako Lurralde Historikoan zaintzako tokiko ekosistemen eraikuntzan ematen ari diren lidergoak aztertzea, eta, bereziki, ekosistema horien garapenean parte hartzen duten eragileen artean sortzen diren harremanak eta funtzioen banaketa aztertzea. Garatutako metodologia kualitatiboa izan da batik bat: 12 elkarrizketa egin zaizkie eremu publikoko profesionalei (politikoak eta teknikoak) eta inplikatutako Hirugarren Sektoreko erakundeetako profesionalei. Emaitzek erakusten dutenez, zaintzarako tokiko ekosistemen garapena lurraldeko estrategia politiko ontzat eta adostasun sozial eta politikorako eremu argitzat hartzen bada ere, haren hedapena eta sendotzea zalantzan egon daitezke, haren inpaktuarekin eta jasangarritasunarekin lotutako arrazoiengatik.