Proiektu traktoreak

Fundazioak bultzatutako proiektuak. Adinberriren Berrikuntzako Agenda Estrategikoa osatzen duten zahartzeari lotutako erronka nagusiei erantzuten diete. Erronka horiek zahartzeari lotutako ekosistema osoan ekimenak eta esperientziak bultzatzeko gaitasuna dute ezaugarri.

Zaintza HerriLab

Zaintza HerriLab estrategia ekimen aitzindaria da, eta Gipuzkoako Foru Aldundiak eta Adinberri Fundazioak gidatzen dute, beren etxean bizi diren eta hauskortasun- eta mendekotasun-egoeran dauden adinekoak zaintzeko eta arreta jarraitua hobetzeko tokiko zainketa-ekosistemen garapena bultzatzeko. Zaintza HerriLabek Gipuzkoako herri askotan eremu soziosanitarioko erakunde publiko, pribatu eta komunitario nagusiak lan-esparru berean eta helburu eta lankidetza-estrategia berberekin biltzea lortu du.

SILVER ECONOMY

Adinberri Fundazioa arduratzen da GFAren estrategia berritzailea gauzatzeaz Etorkizuna Eraikiz esparruan, zahartze osasungarriaren zerbitzurako berrikuntza-potentziala maximizatzeko.

Ildo honetan, Gipuzkoan zahartzearen arloan ekonomia lehiakorra sustatzeko asmoz, ADINBERRI 2019tik Silver Economy Erronka programan ari da lanean.

HARIAK, Bakardadeei egiteko Gipuzkoako estrategia

Hariak izena du Gipuzkoako Foru Aldundiak eta Adinberrik gidatzen duten estrategia, nahi ez diren bakardadeak prebenitzeko eta horiei aurre egiteko. Gipuzkoako gizartearen eta erakundeen konpromisoa adierazten du, gure lurraldean pertsonek bizi dituzten edo bizi ditzaketen bakardade egoerei dagokienez.