Koaderno hau "Eskubideetatik abiatuta adineko pertsonekin gizarte inklusiboa eta lagunkoia eraikiz" bildumaren parte da. Bilduma horren helburua da herritar guztiak sentsibilizatzea adinekoek aurre egin behar dioten diskriminazioari buruz, gizarte- eta berdintasun-politikak hobetzen eta sustatzen laguntzea, eta adineko gizon eta emakumeen ahalduntzea sustatzea, beren eskubideak ezagutu eta erreklama ditzaten. 

Bigarren koaderno honek desberdintasun sozialek zahartzaroan duten eragina azaltzen du, eta zenbait gako eskaintzen ditu adinagatiko diskriminazio-egoerak identifikatzeko, batez ere esparru soziosanitarioan. Koaderno honetan zahartze osasungarriaren eta zahartze aktiboaren kontzeptuak ere sartzen dira, bizitza luzearen iraultzari buruz hitz egiten da eta gure bizi-kalitatea hobetzeko proposamen batzuk eskaintzen dira Agenda 2030en, Garapen Jasangarriaren Helburuen eta zahartze Osasungarriaren Hamarkadaren ikuspegitik.