Senior ekonomiaren eta, beraz, oro har, ekonomiaren hazkunde-aurreikuspenak gauzatzeko oinarrizko baldintza bat senior belaunaldiaren gastu-eskaerari edo -ahalmenari eustea da, eta hori lortzeko hainbat errenta-iturri erabil daitezke: pentsio publikoak, aurrezpen higigarri edo higiezinetatik datozenak, pentsio-sistema pribatuetatik datozenak, edo belaunaldi horretako kideen lanaren edo ekintzailetzaren emaitza direnak. Ondorioz, formula publiko eta pribatuen konbinazio egoki batean oinarritutako pentsio-sistemak egotea, nahikotasun, iraunkortasun, elkartasun eta belaunaldien arteko oreka zuzenaren printzipioak errespetatuko dituena, ezinbesteko baldintza da senior ekonomia garatzeko eta ekonomia horri datxezkion aukerak aprobetxatzeko.

Adinberri Fundazioaren SIA (Inteligentzia Sistema Aurreratua) proiektuaren esparruan egindako gaikako txostenen helburua da gai espezifikoak sakon aztertzea, fundazio honek definitzen dituen aukera-eremuen barruan. Txosten horiek Gipuzkoako zahartzearen eremuko joerak identifikatzeko tresna gisa ulertzen dira.

Txosten honen balio erantsia lehendik dauden bigarren mailako azterlanen azterketan oinarritzen da, inplikatutako pertsonen ikuspegi kualitatiboarekin. Hau da, bere aldartea, etorkizunaren ikuspegi digitala eta senior talentuak bere bizimoduan duen eragina kontuan hartuta.