Adinberri Fundazioaren SIA (Inteligentzia Sistema Aurreratua) proiektuaren esparruan egindako gaikako txostenen helburua da gai espezifikoak sakon aztertzea, fundazio honek definitzen dituen aukera-eremuen barruan. Txosten horiek Gipuzkoako zahartzearen eremuko joerak identifikatzeko tresna gisa ulertzen dira.

Zahartze aktiboa eta balio fisikoa izeneko txosten hau seriearen bigarren alea da, eta honako gai garrantzitsu hauek biltzen ditu: esparru gisa balio duen proposamen teorikoa, esparru horretan dauden datuen azterketa, hura sustatzeko garatutako politika publikoen elementu garrantzitsuak eta hainbat lurraldetan abian jarri diren esperientzia interesgarriak.

Sei multzotan dago antolatuta txosten hau: enplegua; erretiroa; artea, aisia eta kontsumoa; etengabeko ikaskuntza, boluntariotza eta herritarren partaidetza, eta IKTen erabilera. Honenbestez, 55 urteko eta hortik gorako gipuzkoarren inguruan egindako azterketen emaitzak ageri zaizkigu txostenean, zenbait lurralde-mailatan egindako inkestetako datu sekundarioak iturri direla.