Txosten diagnostiko honen helburua da cohousing-aren egungo egoera aztertzea Euskadin, hura garatzeko baliabideak eta alternatibak identifikatzeko. Azterlan horrek, gainera, orientazio praktiko argia du, eta, beraz, kolektiboei, erakundeei, administrazio publikoei eta arlo horretako adituei egindako kontsulta-prozesu batean oinarritzen da. Lehenik eta behin, cohousinga kontzeptu gisa aztertzen da, bai eta Euskadiko egungo esparru juridikoan nola txertatzen den ere, eta, ondoren, beste formula batzuk aipatzen dira, bai estatukoak, bai nazioartekoak.

Lehen kapituluaren azken zatian, hura definitzeko esparru-proposamen bat jasoko da. Azterlan diagnostiko honen bigarren kapituluan, cohousing eredua deskribatzen da, cohousingak Euskal Autonomia Erkidegoko Garapen Iraunkorreko Helburuekin eta Plan Estrategikoekin duen lotura aztertzen da, bai eta eredu hori Euskadin sustatzearen egokitasuna ere, estatistika-adierazle nagusien eta administrazio publikoen lehen urratsen bidez. Jarraian, pertsona interesdunen kolektiboek eta erakundeek, adituek eta administrazio publikoek cohousing-proiektuak garatzeko aurkitzen dituzten ezaugarriak, beharrak eta arazoak aztertzen dira.