Bizi-iraupenerako, zahartze osasuntsu eta aktiborako etxeko eta inguruneko aukera-eremuetan jarduera ekonomikoa sustatzeko proiektua, Gipuzkoako muturreko zahartze-mailek planteatutako gizarte-aldaketetara egokitutako belaunaldien arteko Eco Co-Housing baten xehetasuna diseinatuz.

Koaderno hau "Gizarte inklusibo eta lagunkoia eraikitzen adineko pertsonekin, eskubideetatik abiatuta" bildumaren barruan dago. Bildumaren helburua herritar guztiak sentsibilizatzea adinekoek aurre egin beharreko diskriminazioaz, gizarte eta berdintasun politikak hobetzen eta sustatzen laguntzea da, eta adineko gizon eta emakumeen ahalduntzea sustatzea, beren eskubideak ezagutu eta erreklama ditzaten.

Ohiko etxebizitzan egoteak, adina oso aurreratua denean eta mugikortasun-arazoak eta laguntza-beharra agertzen direnean, gero eta zailtasun handiagoak ditu, egoera-multzo multidimentsional baten ondorioz: etxeko zerbitzu publiko eta pribatuen eskuragarritasuna, komunitate-laguntza, hurbiltasun-zerbitzuak, ekintza boluntarioa eta, bereziki, familia-eremuko laguntza.